Zerrenda / La liste • la lista

Bayonne Mugimenduan zerrenda osatzeko prozesua lau laguneko zerrrendaburu talde baten izendapenarekin abiatu da, hautagariki gabeko hautaketa metodoaren bidez eta mugimenduan parte hartzen duten ikuspegi desberdinen proposamenak kontuan hartuz. Zerrendaren gainerako osaera lantzen ari da oraino, gardentasunez, ikuspegi guziekiko errespetuz eta gaitasunen osagarritasuna bilatuz.

Zerrendak zozketaz hautaturiko herritarrak ere bilduko ditu, politikatik biziki urrun egoten diren pertsonentzat ere herriko etxeko ardurak hartzeko bidea irekitzeko. Metodo honek, 2026ko martxoko herri hauteskundeei begira, inklusiboagoa, gardenagoa eta parte-hartzaileagoa den ordezkaritza bermatzen du.

• 
  
  1

  Jean-Claude Iriart

  63 urte - Mousserolles auzoa

  ---

  Ezkerreko balioak eramango dituen herri proiektu baten eraikuntzan parte hartzeko aukerak motibazio handia ematen dit, eta horrek bultzatzen nau Baionaren eta Euskal Herriaren alde engaiatzera. Zerrendaburu gisa, gure indarren bateratze dinamika zaindu eta elikatuko dut, aniztasun hori osatzen duten ikuspegi guztiak errespetatuz.
  

  

  Jean-Claude Iriart

  Ikerketa eta proiektu arduraduna Departamenduko Kontseiluan – 2026ko urtarrilean erretraduna

  63 urte - Mousserolles auzoa

  ---

  Ipar Euskal Herriko barnealdekoa izan arren, ene gurasoak Baionan, Marracq auzoan bizi ziren ni sortu nintzelarik, duela 63 urte. Ondotik, Hiriburu herrian hazi nintzen, eta Albert Camus ikastetxean eta René Cassin lizeoan ikasi nuen, Bordeleko Unibertsitatean Ekonomia Zientzietako ikasketak egin aitzin.

  Ekonomian irakasle izan ondotik, lizeoko zuzendari gisa aritu nintzen, eta formakuntzaren arloan inplikatu nintzen profesionalki nire lan-bizitzako lehen 15 urteetan.

  Garai horretan, Hemen elkarteak sustaturiko Euskal Herriko enplegua sortzeko proiektuan ere parte hartzeko aukera izan nuen, eta elkarte horretako presidente izan nintzen bost urtez.

  Bestalde, 1990eko hamarkadan, jendarte zibilaren ordezkari gisa, Euskal Herria 2010 abenturan parte hartzeko parada izan nuen, Euskal Herriko Garapen Kontseiluan kide izanik; bertako lehendakaritza ere bete nuen hiru urtez, 1998tik 2000ra.

  2001etik goiti, ibilbide profesionalari norabide berri bat eman nion, tokiko jardun publikoan aritzeko. Ondoko karguak bete nituen: Euskal Herriko Hautetsien Biltzarreko zuzendaria, Euskararen Erakunde Publikoko zuzendaria, eta Departamenduko Kontseiluko zerbitzu orokorren zuzendari nagusiaren ondokoa.

  2026ko urtarrilerako aitzinikusia dudan erretretara arte, Departamenduko Kontseiluan segitu dut lanean, politika publikoen ebaluazioan, proiektuen ingeniaritzan eta herritarren parte-hartzean espezializariko zerbitzuan, ikerketa eta proiektu arduradun gisa.

  Ene lehen engaiamendu politikoa 2014koa da, Baionako herriko bozetara lehen aldiz aurkeztu nintzelarik. 2014tik 2020ra hautetsia izan nintzen, eta 2017ra arte Euskal Kulturaren Aldeko Herriarteko Sindikatuko presidente izan nintzen. Horri esker, Euskal Hirigune Elkargoa sortzeko prozesuan parte hartu nuen, 2017tik 2020ra arte elkargoko kontseilari eta Kontseilu Iraunkorreko kide gisa.

  Maila pertsonalean, emaztearekin eta gure bi seme-alaba nagusiekin hamar bat urtez Saint-Esprit auzoan bizi izan ginen, Mousserollesera bizitzera joan aitzin. Bertan, familia handitu zen. Gure bost seme-alabek gaur egun 22 eta 33 urte artean dituzte, eta aitatxi izateko bozkarioa ere badut.

  Azken urteotako ene elkartegintzako engaiamenduaren baitan, eta ene hautagaitzaren adierazpen publikoa egin arte, bereziki inplikatu naiz Aviron Bayonnais Rugby Elkartean eta Atherbea elkartean.

  Esperientzia honi esker, gaur egun prest sentitzen naiz Baionako auzapez izateko ardura hartzeko, gure taldearen adimen kolektiboak bultzatuta eta baionarrei adi.

  Engaiamendua hartzen dut ene denbora eta energia osoa horretan jartzeko, beste agintaldi edo ardura exekutiborik bilatu gabe.
• 
  2

  Colette Capdevielle

  67 urte – Zezen plazako auzoa

  ---

  Baiona Mugimenduan egitasmoak abiatu duen indar bateratze dinamika hau aukera berri eta pozgarri bat da gure hiriarentzat. Herritarrekin batera beste modu batez gobernatzeko asmoa dugu: hiria solidarioagoa, ekologikoagoa eta demokratikoagoa izan dadin. Nire esperientzia osoa jarriko dut egitasmo honen zerbitzura, bai terrenoko hautetsi gisa egindakoa bai parlamentari gisa bildutakoa, Baionaren aldeko etapa kolektibo berri hau osoki laguntzeko gogoarekin.
  

  Colette Capdevielle

  Diputatua – ohorezko abokatua

  67 urte – Zezen plazako auzoa

  ---

  Orthezen sortua, Baionan bizitzen hogeita hamar urte baino gehiago daramatzadanez gero, Baionan, errotik lotua naiz hiriari.

  Baionako hainbat auzotan bizi izan naiz : lehenik San Leon, Baiona Ttipian, Arrandegi karrika, Lachepaillet harresietan, eta ondotik Zezen Plazako auzora joan nintzen.

  Zuzenbide eta zientzia politiko ikasketak egin eta, 1987ko abenduan zin egin nuen abokatu gisa.

  Zuzenbide orokorreko kasuak kudeatzen dituen bulegoan, auzitegitik hurbil, ia berrogei urtez ibili naiz Baionako Abokatuen Elkargoan justiziagarrien zerbitzura eta zuzenbiderako irisgarritasunaren alde.

  Ene engaiamendu politikoa terrenoan sortu zen, biztanleekin, elkarteekin eta tokiko hautetsiekin harremanean. Baionako herriko etxean hautetsi, Euskal Hirigune Elkargoan kontseilari, Akitania eskualdeko kontseilari izateko ohorea ere izan dut. Ardura horiek pazientzia, elkarrizketa eta besteekin batera eraikitzeko beharra irakatsi didate.

  2012an diputatu bilakatu nintzen 2017ra arte iraun duen lehen agintaldi batean. 2024ko ekaineko legebiltzar-hauteskundeetan hautesleek berriz ere konfiantza egin zidaten eta geroztik diputatu ardura hori berriz eman zidaten.

  Gaur egun, Frantziako Asanblea Nazionalean Legeen Batzordean nabil, eta bereziki inplikatua naiz zuzenbidearen irisgarritasun, justizia, askatasun publiko eta europako erronken inguruan.

  Nehoiz baino gehiago, esperientzia hau elkartasunaren, justizia sozialaren, zorroztasun demokratikoaren balioetan oinarritutako proiektu politiko baten zerbitzura jarri nahi dut.
• 
  3

  David Ospital

  51 urte - San Leon auzoa

  ---

  Baiona hiri anitza eta askotarikoa da. Aniztasun hori aberastasuna, poza eta sormena bilakatzen da, proiektu komun baten inguruan jartzen denean. Guziok, edonor izanda ere, badugu zer erran gure egunerokoari buruz, gure auzoari buruz, gure lurraldeari buruz, eta elkarrekin eraiki nahi dugun etorkizunari buruz. Taldearen indarrean eta bere adimenean sinesten dut. Herritarrei ekiteko ahalmena ematea eta ekintza publikoari zentzua ematea da nire engaiamenduaren muina, herritarren eta hautetsien arteko elkarrizketa iraunkorra sortuz.
  

  David Ospital

  Kudeaketa Zientzietako Konferentzia maisua naiz

  51 urte - San Leon auzoa

  ---

  Duela 25 urte bizi naiz Baionan; ezkondua naiz eta bi semeren aita. (Joko-garbiko jokalari ohia naiz, eta oraino pilota jokatzen dut). 25 urte hauetan Baionako hainbat auzotan bizi izan naiz, bizi ibilbide bat bailitzan: Baiona Ttipia, Pannecau karrika, gero Saint-Esprit aldean, ondotik Sainsontan auzoan (Baionako iparraldean), berriz Baiona Handira itzuli, katedralaren ondoan, eta gaur egun bizi naizen Saint-Léon auzoan. Auzo hauetatik bizilagunen arteko lotura sendoak, elkartrukerako eta partekatzeko gogoak eta ideia sortzaileak gorde ditut.

  Lanbidez, konferentzia maisua naiz, Baionako IUTari atxikia, eta Bankuko lanbideen arloko polo baten arduraduna. Ikasle jakin-min handiko eta gogotsuekin irakasten dut. Ikertzaile gisa, gobernantza parte-hartzaileari eta lurraldeetako lankidetzari buruzko gaiak lantzen ditut. Testuinguru horretan, sektore publikoaren, pribatuaren eta Ekonomia Sozial eta eraldatzaileko eragileen arteko lankidetzak aztertzen ditut, enpresen lurralde-erantzukizuna helburu izanik.

  Era berean, erakunde publiko eta pribatuetan esku hartzen dut gobernantza horizontalagoak garatzeko, adimen kolektiboan oinarrituak.

  Banku kooperatibo baten baitan ere oso engaiatua naiz, eta sakon sinesten dut kultura kooperatibo horretan, hain presente dagoena Ipar zein Hego Euskal Herrian.

  Ekimen honetan parte hartzen dut gobernatzeko beste modu batean sinesten dudalako, botere guztiak kontzentratzea bilatzen ez duen gobernantza batean. Gure ezberdintasunetatik sortzen den aberastasunean ere sinesten dut, baita politika pozez eta partekatuz egiteko exijentzia batean ere.
• 
  4

  Sophie HERRERA LANDA

  66 urte - Baiona Handia auzoa

  ---

  2000.urtetik oposizioko taldeko hautetsia naiz, eta azken sei urteotan lan handia egin dut Herriko kontseiluan eta komisioetan, elkarte herritar baten energiak bultzaturik. Bide horretan ikusi dut, jarrera eraikitzailea izanagatik ere, exekutiboak «figuratibo» gisa tratatzen gintuela. Baiona Mugimenduan zerrenda herritarrean hartu dudan engaiamenduaren muina, Baionako herritarrekin, haien aniztasunean, sormenean eta hiriarekiko atxikimenduan oinarrituz, benetako egitasmo solidario eta ekologiko bat gauzatzeko aukera izatea da.
  

  Sophie HERRERA LANDA

  Goi-mailako irakaskuntzako erretretaduna

  66 urte - Baiona Handia auzoa

  ---

  Baionan sortua, ene haurtzaroaren zati handi bat Baiona Ttipian eman nuen, Espainiako Gerra Zibiletik ihesi etorritako ene aitaren familiarekin. Auzo herrikoia zen, bizitza sozial bizi, alai eta intentsuarekin, bizilagunen arteko elkartasun handiarekin eta hurbileko merkataritza anitzekin lotutako jarduera ekonomiko oparoarekin.

  Bigarren hezkuntzako ikasketak Marracq ikastetxe eta lizeoan (René Cassin) egin ondoren, eta goi-mailakoak Bordeleko Unibertsitatean (Gorputz Heziketa eta Kirol Zientziak), Paris ingurura bidalia izan nintzen (Seine-Saint-Denis). Zortzi urteko “deserrotze” horrek aukera eman zidan oso bestelako ingurune sozio-demografiko eta kultural batera egokitzeko, haren ezberdintasunez aberasteko eta irakaskuntzaren aberastasunaz eta eskakizunez jabetzeko.

  Bordeleko Unibertsitatera itzulita, Zientzia Politikoetako ikasketak berriro hasi nituen (Administrazioa eta tokiko gobernantza), eta 20 urtez Bidarten (Estia) eta Baionan (IUP Kirol Enpresen Kudeaketa eta Zuzendaritza) unibertsitate-adar bat sortu eta kudeatu nuen, Akitania mailako lehen ikasle-inkubagailua barne hartuz. Proiektu ugari garatu nituen Akitania/Euskadi/Nafarroa euroeskualdeko unibertsitateen eta eragile sozioekonomikoen artean.

  Kirol-praktikari (frantses estatu mailan atletismoan eta eskubaloian) loturiko ene elkartegintzako engaiamendua goiztiarrak (17 urterekin), Aviron Bayonnais omnisportseko Administrazio Kontseiluan sartu zen lehen emaztea izatera eraman ninduen. Engaiamendu segitu nuen ene bi seme-alaben eskolatzearekin lotuta, Seaskan (euskarazko ikastolen federazioa) hamar urte baino gehiagoko boluntariotzarekin.

  Baiona Mugimenduanekiko dudan engaiamendua  esperientzia horietatik elikatzen da, eta lan kolektiboarekiko interesa, besteei irekiera, erantzukizun partekatuen praktika eta sormena erakusten ditu, gure ekimena definitzen duten balioak direlarik.